كلام بيخلّي الناس تقول أيوه

كتابة محتوى الموقع الكويسة بتبدأ من عملائك، مش من ليستة كلمات مفتاحية. قبل ما نكتب كلمة، بنعمل معاك مقابلة من 30 لـ45 دقيقة، ونقرا التقييمات ومحادثات واتساب وإيميلات البيع، ونكتب الأسئلة اللي الناس بتسألها قبل ما تشتري. كده بنعرف الكلمات اللي عملاءك بيستخدموها فعلاً، وهي نفس الكلمات اللي بيدوروا بيها على جوجل وبيسألوا بيها مساعدات الذكاء الاصطناعي.

المحتوى العربي بيتكتب بالعربي من الأول، مش مترجم من الإنجليزي. بنتفق على النبرة الأول، سواء مصري ودود أو خليجي محايد أو فصحى رسمية، وبنمسك قاموس واحد علشان أسماء الخدمات والعروض وأزرار الطلب تبان بنفس الشكل في كل صفحة. والمحتوى الإنجليزي ماشي على نفس البريف، فالنسختين بيقولوا نفس الكلام بشكل طبيعي.

كل صفحة بتعدي على 3 مراجعات قبل ما توصلك: مراجعة وضوح علشان الزائر يفهم إنت بتعمل إيه في ثواني، ومراجعة للبحث علشان الإجابة تيجي بدري والعناوين واضحة واللينكات الداخلية موجودة، وتدقيق من كاتب تاني. والنص النهائي بيتسلم جوه موقعك، متنسق وجاهز للنشر.